Sonnet VIII

Use Tab to move through poem lines. Press Enter or Space to select a line. Hold Shift while selecting a second line to create a shared range.

1. Ie vis, ie meurs : ie me brule et me noye.
2. I’ay chaut estreme en endurant froidure :
3. La vie m’est et trop molle et trop dure.
4. I’ay grans ennuis entremeslez de ioye :
5.  
6. Tout à un coup ie ris et ie larmoye,
7. Et en plaisir maint grief tourment i’endure :
8. Mon bien s’en va, et à iamais il dure :
9. Tout en un coup ie seiche et ie verdoye.
10.  
11. Ainsi Amour inconstamment me meine :
12. Et quand ie pense avoir plus de douleur,
13. Sans y penser ie me treuue hors de peine.
14.  
15. Puis quand ie croy ma ioye estre certeine,
16. Et estre au haut de mon desiré heur,
17. Il me remet en mon premier malheur.

Text language: fr