Sonnet XIV

Use Tab to move through poem lines. Press Enter or Space to select a line. Hold Shift while selecting a second line to create a shared range.

1. Tant que mes yeus pourront larmes espandre,
2. À leur passé auec toy regretter ;
3. Et qu’aus sanglots et soupirs resister
4. Pourra ma voix, et un peu faire entendre :
5.  
6. Tant que ma main pourra les cordes tendre
7. Du mignart Lut, pour ces graces chanter :
8. Tant que l’esprit se voudra contenter
9. De ne vouloir rien fors que toy comprendre :
10.  
11. Ie ne souhaitte encore point mourir.
12. Mais quand mes yeus ie sentiray tarir,
13. Ma voix cassee, et ma main impuissante,
14.  
15. Et mon esprit en ce mortel seiour
16. Ne pouuant plus montrer signe d’amante :
17. Priray la mort noircir mon plus cler iour.

Text language: fr